+995 32 2 29 00 06
Eng

ASB საქართველო

არბაითერ - სამარიტერ - ბუნდმა (ASB) საქართველოში საქმიანობა 1992 წელს დაიწყო, როდესაც ქვეყანაში საოქალაქო ომი მძვინვარებდა. იმ დროისთვის, ASB-ს მთავარი მიზანი იყო ჰუმანიტარული დახმარების გაწევა, რათა გაეუმჯობესებინა საზოგადოების ყველაზე სუსტი და დაუცველი ფენის მდგომარეობა, მათი ვინც ყველაზე მეტად დაზარალდა ომის გამო. 1997 წელს სიტუაციის დასტაბილურების შემდეგ ASB-მ თავისი წარმომადგენლობა საქართველოდან გაიწვია.

2010 წელს ASB დაბრუნდა საქართველოში, ამჯერად უკვე იმ აქტივობების განსახორციელებლად, რომელიც გაზრდიდა კატასტროფის რისკების შემცირების საშუალებას. სოციალური სერვისების განვითარება, იძულებით გადაადგილებულ პირთა დახმარება და საქართველოს სამარიტელთა ასოციაციის გაძლიერება მის მთავარ ამოცანებად იქცა. დღეისათვის ორგანიზაცია ახორციელებს პროექტებს, რომელიც ყველა ჩამოთვლილ სფეროს ეხება, თანამშრომლობს, როგორც ქართულ, ისე უცხოურ არასამთავრობო ორგანიზაციებთან.

პროექტები

ახლახანს @
3 დღის 15 საათის წინ :(
4 დღის 7 საათის წინ #ცვლილებებიიწყებაშენით!
1 კვირის 1 დღის 12 საათის წინ George Akhmeteli სენდაის ჩარჩო ხელშეკრულებასა და შეზღუდული შესაძლებლობების მქონე პირთა ჩართულობაზე კატასტროფის რისკის შემცირების მართვაში: "სენდაის ჩარჩო ხელშეკრულების მიღების შემდეგ კატასტროფის რისკის შემცირების თემატიკაში შეზღუდული შესაძლებლობის მქონე პირთა საჭიროებები წამოიწია წინ, საქართველოში თემის პოპულარიზების საქმეში კი მნიშვნელოვანი წვლილი საქართველოს არბაითერ-სამარიტერ-ბუნდმა (ASB) შეიტანა. სწორედ ამ ორგანიზაციამ შემოგვთავაზა მექსიკის ფორუმში მონაწილეობის მიღება და ჩვენც დავთანხმდით, ვინაიდან კატასტროფის რისკის შემცირება შშმ პირების უფლებების ლობირების კუთხით ერთ-ერთი ყველაზე მნიშვნელოვანი საკითხია. კონფერენციაზე მეტად მასშტაბური გამოდგა, როდესაც სენდაის ჩარჩო ხელშეკრულების ხელმომწერმა ქვეყნებმა ერთმანეთს საკუთარ გამოცდილება და შუალედურ შედეგები გააცნეს. ეს ჩვენთვის იყო ძალიან კარგი პლატფორმა იმისთვის, რათა კიდევ ერთხელ შეგვეხსენებინა იქ დამსწრე სახელმწიფოების წარმომადგენლებისთვის, რომ ამ საკითხზე მუშაობისას არ უნდა დაგვავიწყდეს და არ უნდა დაავიწყდეთ შშმ პირების საჭიროებები. გარდა ამისა, დავამყარეთ სასარგებლო კავშირები ღონისძიების სხვა მონაწილეებთან, მაგალითად, შევხვდით შეზღუდული შესაძლბლობის მქონე აქტივისტებს ისეთი ქვეყნებიდან, როგორებიცაა პაკისტანი, ინდოეთი, ამერიკა და ა.შ. საინტერესო და ნაყოფიერი გამოდგა ASB-ს სხვადასხვა ქვეყნების წარმომადგენლობებთან კონტაქტი და გამოცდილების გაზიარების პროცესიც. ვფიქრობთ, საქართველოს დელეგაციამ საკუთარი წვლილი შეიტანა იმაში, რომ ადამიანებს უფრო პრიორიტეტულად ჰქონდეთ დასმული ეს საკითხი. ვგულისხმობ, სამთავრობო და არასამთავრობო სექტორების წარმომადგენლებს, ასევე ამა თუ იმ სახელმწიფოს რიგით მოქალაქეებს. სხვათა შორის, შეხვედრაზე შევხვდით მექსიკის პრეზიდენტსაც, რომელსაც გავაცანით კონცეფცია „ყველა ჩვენგანი“ #AllOfUs, რომელიც კატასტროფის რისკის შემცირებასთან დაკავშირებულ თემატიკაში ნებისმიერი პიროვნების, განურჩევლად ფიზიკური და გონებრივი შესაძლებლობის, ასაკისა და ა.შ თანაბარ ჩართვას ისახავს მიზნად. მექსიკაში გამართული კატასტროფის რისკის შემცირების ფორუმის წყალობით გავიზიარეთ სხვა ქვეყნებისა, თუ არასამთავრობო ორგანიზაციების გამოცდილება და ამ მხრივ საქართველოში არსებული პრობლემების მოგვარების ახალი გზები დავისახეთ."