+995 32 2 29 00 06
Eng

ASB საქართველო

არბაითერ - სამარიტერ - ბუნდმა (ASB) საქართველოში საქმიანობა 1992 წელს დაიწყო, როდესაც ქვეყანაში საოქალაქო ომი მძვინვარებდა. იმ დროისთვის, ASB-ს მთავარი მიზანი იყო ჰუმანიტარული დახმარების გაწევა, რათა გაეუმჯობესებინა საზოგადოების ყველაზე სუსტი და დაუცველი ფენის მდგომარეობა, მათი ვინც ყველაზე მეტად დაზარალდა ომის გამო. 1997 წელს სიტუაციის დასტაბილურების შემდეგ ASB-მ თავისი წარმომადგენლობა საქართველოდან გაიწვია.

2010 წელს ASB დაბრუნდა საქართველოში, ამჯერად უკვე იმ აქტივობების განსახორციელებლად, რომელიც გაზრდიდა კატასტროფის რისკების შემცირების საშუალებას. სოციალური სერვისების განვითარება, იძულებით გადაადგილებულ პირთა დახმარება და საქართველოს სამარიტელთა ასოციაციის გაძლიერება მის მთავარ ამოცანებად იქცა. დღეისათვის ორგანიზაცია ახორციელებს პროექტებს, რომელიც ყველა ჩამოთვლილ სფეროს ეხება, თანამშრომლობს, როგორც ქართულ, ისე უცხოურ არასამთავრობო ორგანიზაციებთან.

პროექტები

ახლახანს @
1 დღის 23 საათის წინ ჩეჩნეთის კონფლიქტს გაქცეული გულნაზი მშობლიურ სოფელს, პანკისის ველზე მდებარე დუმასტურს დაუბრუნდა. ამბობს, რომ ფეხმძიმე ქალისთვის ბრძოლის ველთან ასე ახლოს გაჩერება წარმოუდგენელი იყო, ამიტომაც შვილების გაჩენა საქართველოში გადაწყვიტა. ეს ის ეპოქაა, როდესაც დუმასტური ნაყოფიერი მიწებით, იაფი ცხოვრების შესაძლებლობითა და განვითარებული საგანმანათლებლო ინფრაქტრუქტურით იზიდავდა მიმდებარე სოფლების მცხოვრებთ. თუმცა ამ ყველაფრის შემდეგ ბევრი დრო გავიდა და სიტუაციაც საგრძნობლად შეიცვალა... დუმასტურის საგანმანათლებლო სისტემა დღითი დღე უარესდებოდა. გულნაზი განიცდიდა, რომ სოფელში არავინ დარჩა ისეთი, ვინც ახალგაზრდებს სრულფასოვან განათლებას მისცემდა. საგანმანათლებლო დაწესებულებების სავალალო მდგომარეობა და არაფორმალური განათლების მიღების მწირი შესაძლებლობები დუმასტურის ყოველდღიურობის განუყოფელ ნაწილად იქცა. ამ ყველაფერს დაემატა ის ფაქტიც, რომ პანკისში სოციალურად დაუცველი მოსახლეობის რაოდენობამ იმატა. სიღარიბის ზღვარზე მყოფი ოჯახები კი დამატებითი ლიტერატურის, სასკოლო ნივთებისა თუ შვილების თელავში მგზავრობის (სადაც განათლების დონე უფრო მაღალია) ხარჯებს ვერ ფარავდნენ. საკვირაო სკოლა „მაცნე“ პანკისის ველს ნახსენები პრობლემების გადაჭრის საშუალებად მოევლინა. პროექტი სისრულეში გულნაზიმ და მისმა თანამოაზრეებმა ევროკავშირის დაფინანსებით, საქართველოს არბაითერ-სამარიტერ-ბუნდის (ASB) პროექტის ფარგლებში მოიყვანეს. ცენტრი არა მხოლოდ დუმასტურს, არამედ მიმდებარე სოფლებსაც ემსახურება. სოციალური საწარმო 2015 წლიდან ფუნქციონირებს და პანკისელი ახალგაზრდებისთვის ახალ საგანმანათლებლო შესაძლებლობებსა და განვითარებაზე ორიენტირებულ მეგობრულ გარემოს ქმნის.
2 კვირის 5 დღის 18 საათის წინ მიხეილ ილურიძე (მიშა პაპა) ASB საქართველოს მიერ დაფინანსებული სოციალური საწარმოს ხანდაზმულთა სახლი ,,სახლი საზღვრებს გარეშე" "House Without Borders" ბენეფიციარია. ის თავშესაფრის მუდმივ ბინადართაგან ერთ-ერთია. მიხეილი იხსენებს, რომ თავისივე ხელებით აშენებული სახლის მიტოვების შესახებ გადაწყვეტილების მიღება გაუჭირდა, რადგან ამ კედლებს შუა, მეუღლესთან ერთად, 47 წელიწადი გაატარა. მიხეილი სიცოცხლის ბოლო წუთებამდე ზრუნავდა ლოგინად ჩავარდნილ მეუღლეზე, თუმცა თავად მას მომველი არ გამოუჩნდა. შვილებმა სოფელი დატოვეს, ხოლო მეზობლები საჭირო სიხშირით ვერ ეხმარებოდნენ. გულის დაავადების აღმოჩენის შემდეგ, მიხეილს საკუთარი თავისა და სახლის მოვლა კიდევ უფრო გაუჭირდა. მარტოდ დარჩენილს ექიმის დანიშნულების ზედმიწევნით შესრულება უჭირდა, ვერც რეგულარულ სამედიცინო დახმარებას იღებდა. ნახსენებმა სირთულეებმა მიხეილს ხანდაზმულთა თავშესაფარში საცხოვრებლად გადასვლის გადაწყვეტილება მიაღებინა. დღისთვის მიშა პაპა ხანდაზმულთა თავშესაფრის ცხოვრებაში აქტიურადაა ჩაბმული. ბენეფიციარებსა და სტუმრებს საკუთარი ისტორიებით ართობს და მუდმივად მზადაა გარშემომყოფებს დაეხმაროს. მიხეილი მონაწილეობას იღებს თავშესაფრის ეზოს გალამაზებაში, ესწრება სხვადასხვა ღონისძიებას და სოციალური საწარმოს მეგობრულ გარემოში ატარებს მოხუცებულობის წლებს.
1 თვის 2 დღის 18 საათის წინ რამინი მაჭარაშვილი შეზღუდული შესაძლებლობის მქონე პირთა არასამთავრობო ორგანიზაციის „ახალგაზრდული ორგანიზაცია - ცვლილებები თანაბარი უფლებებისათვის / Changes For Equal Rights“ ერთ-ერთი დამაარსებელია. ის, როგორც ორგანიზაციის წარმომადგენელი, საქართველოს არბაითერ-სამარიტერ-ბუნდის კატასტროფის რისკის შემცირების (DiDRR) ტრენინგს დაესწრო, რომელიც ინკლუზიურ ელემენტსაც მოიცავს. ტრენინგის საშუალებით რამინიმ დაინახა კატასტროფის რისკის შემცირების კუთხით შეზღუდული შესაძლებლობების მქონე პირთა ცნობიერების ამაღლებისა და მათთვის საჭირო ინფორმაციის მიწოდების აუცილებლობა. აღსანიშნავია, რომ ის ინფორმაციის გადაცემის ამ პროცესში აქტიურად ჩაერთო და ASB საქართველოს წყალობით მიღებულ ცოდნას მცირემასშტაბიანი სწავლებების საშუალებით ავრცელებს. რამინის მიერ ორგანიზებულ ტრენინგებს ესწრებიან როგორც სხვადასხვა სახის შეზღუდვის მქონე პირები, ასევე მათთან დაახლოებული ადამიანები. მსგავსი მიდგომა კი ერთგვარი გარანტიაა იმისა, რომ ბუნებრივი კატასტროფის დროს სპეციალური საჭიროებების მქონე ადამიანები, გარეშემომყოფთა ინფორმირებულობის წყალობით, შესაბამის დახმარებას მიიღებენ და კრიზისულ სიტუაციას წარმატებით გაართმევენ თავს. ASB საქართველოს კატასტროფის რისკის შემცირების პროექტი - „ჩვენ მზად ვართ! - განათლება უსაფრთხოებისთვის კატასტროფის რისკის შემცირება ინკლუზიური მიდგომით“ სამთავრობო და არასამთავრობო სტრუქტურებთან მჭიდრო თანამშრომლობით ხორციელდება. პროექტი დაფინანსებულია ევროპის სამოქალაქო დაცვისა და ჰუმანიტარული დახმარების ოპერაციების გენერალური დირექტორატის მიერ.
1 თვის 1 კვირის 2 დღის 21 საათის წინ სათემო ცენტრი "თაობათა კერა“ შეზღუდული შესაძლებლობის მქონე პირებს, არტ-თერაპიის კურსის საშუალებით, მოტივაციისა და თვითშეფასების ამაღლებასა და ყოველდღიური უნარების გაუმჯობესებაში ეხმარება. ASB საქართველოს პროექტის „საზოგადოებრივი ორგანიზაციების შესაძლებლობების გაძლიერება სოციალური სერვისების პოლიტიკის დიალოგში წვლილის შეტანისთვის საქართველოსა და უკრაინაში“ ფარგლებში ცენტრის ექსპერტებმა შესასრულებელი სამუშაო ბენეფიციარების შესაძლებლობებს მოარგეს. აღსანიშნავია, რომ პროდუქციისთვის საბოლოო სახის მიცემა გუნდურ მუშაობას საჭიროებდა. შედეგად, არტ-თერაპიის კურსის მონაწილეები ინდივიდუალურ შესაძლებლობებში დარწმუნდნენ და კომუნიკაციური უნარები განივითარეს. გრძელვადიანი გავლენის მოხდენის მიზნით, გადამზადდნენ „თაობათა კერაში“ დასაქმებული ადამიანები, რომელთაც ისწავლეს როგორც ქცევისა და მოვლის სირთულეებთან გამკლავების გზები, ასევე არტ-თერაპიის სეანსების დროს დახმარების მეთოდები. პროექტს ASB საქართველოსთან ერთად ახორციელებენ: საქართველოს სტრატეგიული კვლევებისა და განვითარების ცენტრი (CSRDG) და უკრაინის დამოუკიდებელი პოლიტიკური კვლევების ცენტრი (Ukrainian Center for Independent Political Research). დაფინანსებულია ევროკავშირის მიერ.